भांगरभूंय | प्रतिनिधी
म्हापशें: इश्टागतीचो गैरफायदो घेवन आनी फ्लॅटार आपोवन 30 वर्सां पिरायेचे तरणाटेचेर लिंगीक अत्याचाराची घडणूक शिवोले घडली. ह्या प्रकरणांत हणजूण पुलिसांनी दुबावीत आरोपी अमीत राय (रा. मूळ उत्तर प्रदेश) हाका अटक केली.
ही बलात्काराची घडणूक फाटल्या 23 जून दिसा घडिल्ली. ह्या प्रकरणांत कागाळदार तरणाटेन बिरेस्तारा पुलिशेंत कागाळ दाखल केली. ह्या कागाळीच्या आदारान पुलिसांनी दुबावीत आरोपीक अटक केली.
कागाळदार तरणाटी मूळ राजस्थानांतली आसा. दुबावीत आनी कागाळदार हे वेगळ्यावेगळ्या खाजगी आस्थापनांनी नोकरी करतात. तांची दोन वर्सां पयलीं भेट जाल्ली आनी ताचें इश्टागतींत रुपांतर जाल्लें.
घडणुकेच्या दिसा दुबावितान तिका आपल्या फ्लॅटार आपयली आनी थंय तिचेर जबरदस्ती केली.
ह्या प्रकरणांत हणजूण पुलिसांनी भादंसंच्या 376 कलमा खाला गुन्यांव दाखल करून दुबाविताक अटक केली. फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
