भांगरभूंय | प्रतिनिधी
शिवोली, प्रतिनिधी : मारना- शिवोले पंचायत वाठारांत रस्तो रूंद करपाच्या कामाक लागून काडिल्ल्या रस्त्या कुशीकच्या गाड्यांचें पुनर्वसन करतले अशें आस्वासन शिवोलेची आमदार डिलायला लोबो हांणी दिलें.
दांडा- शिवोलेच्या रस्त्याच्या डांबरीकरण कामाची सुरवात आमदार डिलायला लोबो हांचे हाजेरींत जालें. ह्या वेळार सरपंच अभय शिरोडकार, पंच वांगडी शर्मिला वेर्णेंकार, फेर्मीना फर्नांडीस, संदेश हडफडकार, अमित मोरजकार, आदले सरपंच सिल्वेस्टर फर्नांडीस, आदले पंच महेश गोवेकार, श्री जागरेश्वर देवस्थान मंडळाचे पदाधिकारी रामदास शिरोडकार आनी ग्रामस्थ हाजीर आशिल्ले.
राय- गुडें आनी दांडा वाठारांतल्या रस्त्याच्या डांबरीकरणाक दोन कोटी रुपया खर्च जातले. ह्या वाठारांतले तीन भितरल्या रस्त्यांचेंय डांबरीकरण जातलें. थेटर जंक्शन ते शिवोले पुला मेरेन रस्त्याचें काम सध्या सुरू आसा. थियेटर जंक्शना लागसारा उण्या दाबाच्यो जमनी पोंदच्यान सरयो घालपाचें काम बेगीनूच सुरू करतले. सगळीं कामां योग्य नियोजन करून करतात, अशें आमदार लोबो हांणी स्पश्ट केलें.
सडयें, मार्ना वाठाराक जोडपी लिंक रोडाचें कामूय निमाण्या टप्प्याचेर पावलां. ह्या रस्त्याचें बेगीनूच उक्तावण जातलें अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
