भांगरभूंय | प्रतिनिधी
पणजी, प्रतिनिधी : विद्यार्थ्यांक इतिहासाची म्हायती मेळपा सयत धर्म आनी शौर्या विशीं आदर निर्माण करपा खातीर आतां दरवर्सा शाळा, विद्यालयांत वीर बाल दीस मनयतले, अशें मुख्यमंत्री डॉ. प्रमोद सावंत हांणी स्पश्ट केलां. हो दीस 26 डिसेंबराक आसतलो. पूण नातलांची सुटी सोंपली काय शाळेच्या पयल्या दिसा शाळा, विद्यालयांनी हो दीस मनयतले, अशेंय तांणी सांगलें.
पर्वरेच्या राज्य शिक्षण प्रशिक्षण आनी संशोधन मंडळाच्या कार्यालयात आयज वीर बाल दिसाची कार्यावळ जाली. हे वेळार मुखेल सोयरे म्हूण डॉ. सावंत उलयताले. दर वर्सा 14 नोव्हेंबर हो बालदीस म्हूण मनयतात. शीख गुरू गोविंद सिंग हांच्या चार पुतांनी आयच्या दिसा धर्मा खातीर हौतात्म्य पत्करलें. 6 आनी 9 वर्साच्या भुरग्यांनी दाखयिल्लें हें शौर्य अभिमानास्पद आसा. झोरावर सिंग आनी फतेह सिंग हांचे हौतात्म्याची म्हायती आयच्या प्रत्येक विद्यार्थ्यांक मेळपाक जाय, अशें डॉ. सावंत हांणी सांगलें.
दर वर्सा शाळा, विद्यालयांनी वीर बाल दीस मनोवचो, अशें आदेश प्रधानमंत्री नरेंद्र मोदी हांणी जारी केल्यात, अशेंय डाॅ. सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
