भांगरभूंय | प्रतिनिधी
पणजी, प्रतिनिधी : व्हडल्या घरनिर्माण प्रकल्पांक आतां अद्ययावत पेरामेडिकल सुविधा आसप गरजेचें जातलें. पेरामेडिकस सुविधा आसले बगर ‘ओक्युपन्सी प्रमाणपत्र’ शार नियोजन खातें दिवचें ना. हे विशींची अधिसुचोवणी बेगीनुच जारी जातली, अशी म्हायती भलायकी मंत्री विश्वजीत राणे हांणी दिली.
भलायकी खाते तशेंच शार उदरगत खात्याच्या अधिकाऱ्यांची आयज जोड बसका जाली. व्हडल्या घर निर्माण प्रकल्पांतल्या फ्लॅटांत कोणाक काळजाचो आताक आयलो वा कोण दुयेस पडलो जाल्यार 108 एम्ब्युलन्स पावपाक उशीर जाता. फ्लॅट खंयचो ते पसून कळपाक कठीण जाता. दुयेंतीचेर प्रथमोपचार जावन ताचो जीव वाटोवपा खातीर पेरामेडिकल सुविधा आसप गरजेचें थारता. हे खातीर व्हडल्या घरनिर्माण प्रकल्पांनी परमेडीकल सुविधा आसप सक्तीचें करपाचो निर्णय जाला, अशे श्री. राणे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
