भांगरभूंय | प्रतिनिधी
वीज दर वाडींतल्यान आनिक 85 कोटींची येणावळ शक्य
पणजी, प्रतिनिधी : वीज बिलांत वाड करपाचो प्रस्ताव वीज खात्यान जोड वीज नियामक आयोगा कडेन दवरला. ह्या प्रस्तवाचेर फाल्यां सोमारा आनी मंगळारा भौशीक सुनावणी जातली. सोमारा पणजे जाल्यार मंगळारा मडगावां भौशिक सुनावणी जातली. प्रस्तावीत दरवांडीतल्यान आनिक 85 कोटींची येणावळ वीज खात्याक मेळप शक्य आसा. मात, भोवतेक नागरीक विजेचे दर वाडोवपाच्या विरोधांत आसात. ताका लागून सुनावणे वेळार वाद जावंक शकता.
विजेच्या बिलांत वाड करपा खातीर सरकाराक जोड वीज नियमन आयोगा कडल्यान मान्यताय घेवची पडटा. लोकांच्यो हरकती तशेंच सुचवणेचो विचार करुन आयोग मान्यताय दिता. बिगर सरकारी संघटणा तशेच सामान्य लोक भौशिक सुनावणी वेळार हरकती तशेंच सुचोवण्यो मांडटले. हाचे पयली लेखी हरकती सादर जाल्या. घरगुती, शेती, वेवसायिक तशेच उद्देगिक विजेचे बिल वाडोवपाचो प्रस्ताव आसा. वीज दरवाडीक मान्यताय मेळ्ळी जाल्यार ती 1 एप्रिल सावन लागू जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
