भांगरभूंय | प्रतिनिधी
प्रतिनिधी: विठ्ठलापूर सांखळे श्री विठ्ठलापूर रखुमाई देवळा कुशीक एका अपघात जाल्ले मोटारीक उजो लागलो. दिवचले उजो पालोवपी दळाच्या जवानांनी घडणूक थळार धांव घेवन हो उजो पायलो. पूण तो मेरेन मोटार उज्याचे भकीक पडिल्ली.
ही घडणूक काल (मंगळारा) दनपारां 3 वरांच्या सुमाराक घडली. विठ्ठलापूर सांखळे विठ्ठल रखुमाई देवळा कुशीक एका आडखळीचे सुवातेर एक अपघात जाल्ली स्विफ्ट मोटार दवरिल्ली. हे मोटारीक दनपारां 3 वरांच्या सुमाराक उजो लागलो.
हे घडणुकेची म्हायती दिवचल उजो पालोवपी दळाक दिले उपरांत दळाच्या जवानांनी रोखडीच थंय धांव घेतली.
उजो पालोवपी दळाच्या जवानांनी अधिकारी शैलेश गावडे हांच्या मार्गदर्शना खाला घडणूक थळार धांव घेवन रोखडोच उजो पालयलो. पूण तो मेरेन मोटार जळून गोबर जाल्ली. ही मोटार अपघातांत सांपडिल्ली, ती पार्क करून दवरिल्ली. मोटारीच्या धनयाची म्हायती उजो पालोवपी दळाक मेळूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
