भांगरभूंय | प्रतिनिधी
भांगरभूंय । खबरां मेज
पणजी: तुमी बँके कडल्यान रीण घेतलां आसतलें. पूण तें फारीक करपाक तुमकां बर्योच आडखळी येता आसतल्यो. ताका लागून भारतीय रिझर्व्ह बँकेचे नेम आनी कायदे तुमकां कळपाकूच जाय. एक ते तुमकां डिफॉल्टर जावपा पसून वाटायतले, दुसरें म्हळ्या रिणाचें व्याज वा ईएमआय उणें जावपाक मजत जातली.
क्रेडीट इन्फॉर्मेशन ब्युरो इंडिया लिमिटेड (सीबील) रीण वा क्रेडीट कार्डा वरवीं देशांतल्या लोकांचे खर्च करपाचे संवयेचेर लक्ष दवरपाचें काम करता. फाटल्या वर्सा तांच्या अहवालांत खुबश्यो अजाप करपा सारक्यो गजाली उक्ताडार आयिल्ल्यो. हातूंत अशें म्हणिल्लें, असुरक्षीत रीण (क्रेडीट कार्ड खर्च) घेवपी लोक वाडतूच आसात. तशेंच वैयक्तीक रीण घेवप लेगीत कोविडा पयलीं पसून वाडलां. हो अहवाल आरबीआयक शिटकावणी दिवपी थारलो.
जांकां रीण फारीक करपा खातीर आडखळी येताल्यो तांचो हुस्को मेकळो करपा खातीर आरबीआयन खुबशी मार्गदर्शक तत्वां तयार केल्यांत. हें रीण थकबाकीदारां खातीर फायद्याचें थारतलें. हाचे वरवीं तांकां रीण फारीक करपाक आनीक वेळ मेळटलो.
निश्चितपणान रिणीची पुनर्रचणूक करप हो तुमचे खातीर एक बरो पर्याय आसा. हाचें कारण म्हळ्यार तुमचे कडल्यान रीण डिफॉल्टर टॅग काडून उडयतात. मनशाचें रीण थकबाकीदार आशिल्ल्यान ताचो क्रेडीट इतिहास आनी भलायकी दोनूय इबाडटा. ताका लागून तुमचो CIBIL स्कोर लेगीत देंवता. जाका लागून तुमचो रीण घेवपाचोय मार्ग बंद जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
