भांगरभूंय | प्रतिनिधी
पणजी, प्रतिनिधी : गोंयांत जावपी 37 व्या राष्ट्रीय खेळां सर्तीची तयारी नेटान सुरू आसतना आतां कामांच्यो निविदा जारी जावपाक सुरवात जाल्या. उक्तावण सुवाळ्या खातीर इव्हेंट मॅनेजमेंट कंपनीची निवड करपी निविदे खातीर अर्ज मागयल्यात. तशेंच सर्तीची पदकां, ट्रॉफी हांची वेवस्था करपा खातीर एजन्सी नियुक्त जातली.
हे निविदे खातीर अर्ज मगयल्यात. उक्तावणाची कार्यावळ बांबोळी हांगच्या डॉ. श्यामाप्रसाद मुखर्जी स्टेडियमांत जावपाची शक्यताय आसा. खासा वेवस्था करपा खातीर 3 कोटी 17 लाखांचे निवीदे खातीर अर्ज मागयल्या. सप्टेंबर मेरेन ह्यो निविदा निश्चित जातल्यो, अशी म्हायती गोपांनी दिली.
10 ऑक्टोबर मेरेन सगळ्या कामांच्यो निविदा जारी जावन कामां सुरु जातलीं अशें मुख्यमंत्री डॉ. प्रमोद सावंत हांणी स्पश्ट केलां. 24 ऑक्टोबर ते 9 नोव्हेंबर मेरेन ही सर्त जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
