भांगरभूंय | प्रतिनिधी
फोंडें पुलिसांनी दिली म्हायती
फोंडें, प्रतिनिधीः फाटल्या वर्सा फोंडा येरादारी पुलिसांनी येरादारी नेमांचो भंग करपी वट्ट 6380 जाणांचीं लायसन्सां निलंबीत करपा खातीर धाडल्यात. ते भायर येरादारी पुलिसांनी 2023 वर्सा 201 बेबद्या वाहन चालकां आड केस नोंद केल्या. अंदूं लेगीत नेम मोडपी वाहन चालकांचेर कारवाय केल्या.
2022 वर्सा फोंडा येरादारी पुलिसांनी मोटार चालकांचेर 3265 वेगान वचपी, हेल्मेट नासतना 2514, धोक्याची पार्किंग 6515, फिल्मिंग 4733, परवानो नासतना 52 आनी हेर येरादारी उल्लंघना खातीर दंडात्मक कारवाय केली. ते भायर येरादारी पुलिसांनी 255 सुवातींनी वचून वाहन चालकांक खाशेलें मार्गदर्शन दिलें. हातूंत हायस्कुल, उच्च माध्यमीक शाळा, कंपनीचे कामगार, वाहन चालक, मोटारसायकल पायलट आशिल्ले.
येरादारी पुलीस निरिक्षक कृष्ण सिनारी हांणी फाटल्या वर्सा 2022 वर्सा वट्ट 45,948 वाहन चालकां आड कारवाय करून 2 कोटी 70 लाख 5 हजार रुपया येणावळ एकठांय केली, अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
