भांगरभूंय | प्रतिनिधी
छत्रपती संभाजीनगर : छत्रपती संभाजीनगर जिल्ह्यांत एक धक्को दिवपी घडणूक घडली. बायलेक घेवन तिच्या कुळारा आयिल्ल्या एका घोवान आपले अल्पवयीन मेवणेक मोगाच्या जाळ्यांत घुसपावन पळोवन व्हेली. उपरांत तिचेर ताणें बलात्कार केलो.
कन्नड ग्रामीण पुलीस स्टेशनाच्या लागसारच्या गांवांत ही घडणूक घडली. पिडितेच्या कुटुंबियांनी दिल्ले कागाळी वेल्यान पुलिसांनी गुन्यांव नोंद केला.
मेळिल्ले म्हायती प्रमाण, कन्नड तालुक्यांतल्या 20 वर्सां पिरायेच्या तरणाट्याचें 3 वर्सां पयलीं लग्न जाल्लें. तो केन्ना केन्नाय बायलेच्या कुळारा येतालो. तेन्ना आपले बायलेचे नेण्टे भयणी कडेन लागसारपण जोडपाचो तो यत्न करपाक लागलो.
मजगतीं, आरोपी बायले सयत तिच्या कुळारा आयलो. तेन्ना ताणे आपले मेवणेक मोगाच्या जाळ्यांत ओडलें. 22 मेक सप्तकी बाजार निमतान आरोपी तिच्या भावा सयत बाजार करपा खातीर कन्नड हांगा घेवन आयलो. मेवण्याक दुसरे वटेन धाडून आरोपी मेवणेक घेवन सातारा हांगा आयलो. सातारा जिल्ह्यांतल्या मयनी (धोंडेवाडी) हांगा गेले उपरांत आरोपीन मेवणेचेर सेगीत बलात्कार केले.
2 जुलयाक तिका घेवन तो कन्नड जिल्ह्यांतल्या एका गांवांत आयलो. ही खबर तिच्या सोयर्यांक कळटांच तांणी आरोपी आनी पिडितेक पुलिसांचे सुवादीन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
