भांगरभूंय | प्रतिनिधी
सहाय्यक प्राध्यापक खुर्शीद आलम हांची मागणी
पाटणा, खबरां संस्था: मुसलमान समाजा खातीर स्वतंत्र जमीन मागपी खुर्शीद आलम ह्या सहाय्यक प्राध्यापका आड पाटणाच्या पुलिसांनी कागाळ नोंद केल्या. विद्यापीठ प्रशासनानूय ताचे आड कारण दाखोवपाची नोटीस जारी केल्या.
‘जोडो पाकिस्तान आनी बांगलादेश झिंदाबाद’, अशें खुर्शीद आलम हांणी तांच्या पयल्या पोस्टांत म्हणिल्लें. जाल्यार दुसर्या पोस्टांत तांणी ‘भारतीय मुसलमानांक पाकिस्तान आनी बांगलादेश शेजराक स्वंतत्र मायभूंय जाय’ अशें म्हणलां. ते पाटण्यांतले नारायण कॉलेजींत राज्यशास्त्र विभागाचे मुखेली आशिल्ले. ह्या प्रकरणा उपरांत तांणी प्राध्यापकपदाचो राजीनामो दिल्लो.
पोस्टा उपरांत चूक मागली
मजगतीं, वाद वाडल्या उपरांत खुर्शीद आलम हांणी चुकूय मागली. ‘‘म्हज्या पोस्टा वरवीं हांवें केन्नाच कोणाच्योच भावना दुखोवपाचो यत्न करूंक ना. तसो हेतूय ना. जर ह्या पोस्टाक लागून कोणाच्यो भावना दुखल्यात जाल्यार हांव चूक मागतां.’’ अशी चूक मागपी पोस्टूय तांणी सोशल मिडियाचेर शेर केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
