भांगरभूंय | प्रतिनिधी
मुंबयः भारतांत हालींसराक बायलांक मारून तांचे कुडके करपाच्यो घडणुको वाडतूच आसात. मुंबयत एक अशीच भिरांकूळ घडणूक घडली. मुंबय एके तरणाटे चलयेक मारून उडोवन तिचे कुडके करपाची घडणूक घडल्या.
वरळी ‘सी फेस’चेर साकांत बांदून उडयल्ली एके तरणाटेची कूड मेळ्ळ्या. हात तुटिल्ले अवस्थेंत ती आसा. तरणाटेक मारून उडोवन पुरावे नश्ट करपाच्या हेतान कुडीचो विलो लावपाचो यत्न केल्ल्याचें दिसून येता. ही तरणाटी 18-20 पिराये मजगतीची आशिल्ली. हे विशीं वरळी पुलिसांनी आरोप्या आड गुन्यांव नोंद केला.
हे घडणुके उपरांत मुंबय बायलो सुरक्षीत आसात व्हय, असो प्रस्न निर्माण जाला.
वरळी कोळीवाडो हांगा आयएनएसच्या फाटल्यान कांय लोकांक हो साक दिशिल्लो. हे तरणाटेची वळख आजूनय पटूंक ना. अज्ञात आरोप्या आड गुन्यांव नोंद जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
