भांगरभूंय | प्रतिनिधी
सुमार 40 ते 50 वाहनां कोसळ्ळीं
मुंबय: फाटल्या कांय दिसां सावन मुंबय बरोच नेटान पावस झडटा. पावसाक लागून कांय घरांय कोसळ्ळ्यांत. पूण चेंबूर हांगा रस्त्याची एक धड कोसळपाची घडणूक आयज घडली. ह्या फोंडकुलांत 40 ते 50 वाहनां कोसळ्ळीं. हे घडणुकेचो व्हिडिओ सध्या सोशल मिडियाचेर व्हायरल जाला. प्रियदर्शनींतल्या वसंत दादा पाटील इंजिनियर कॉलेजी लागसारा राहूल नगर दोन हांगा हो रस्तो मुंगरलो. उपरांत आशिकुशीच्या लोकांक भायर काडून बिल्डींगो खाली केल्यो. ह्या बिल्डींगांतल्या नागरिकांचीं 40 ते 50 वाहनां खचिल्ल्या फोंडकुलांत कोसळ्ळीं.
नागरिकांक सुरक्षीत सुवातेर हालोवपाचें काम सध्या चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
