भांगरभूंय | प्रतिनिधी
मडगांव : मडगांवां लोहिया मैदाना कडल्यान फुडें वचपी रस्त्याचेर दामोदर चेंबर सोसायटीचे फाटले वटेन आशिल्ले दोंगुल्लेचो एक भाग कोसळ्ळो. ताका लागून हांगा आशिल्ल्या इमारतींक धोको निर्माण जाला. हे विशीं नागरिकाीं आपत्कालीन वेवस्थापन यंत्रणां, उजो पालोवपी दळ, पालिका प्रशासनाक म्हायती दिली.
ही घडणूक आयज सकाळीं घडली. उपरांत नागरिकांनी उजो पालोवपी दळाक फोन केलो. मडगांव पालिके वांगडा जिल्हो आपत्कालीन वेस्थापन यंत्रणेकूय कळयलें. उजो पालोवपी दळाच्या जवानांनी ही परिस्थिती खर आशिल्ल्याचें सांगलें. दोंगुल्लेचो आनीक कांय भाग कोसळ्ळ्यार ताचेर आशिल्ल्यो इमारतीय कोसळटल्यो आनी आल्त मोंत वाठारांतल्या हेर इमारतींक धोको निर्माण जावपाक शकता, असो भंय नागरिकांनी उक्तायला.
ही दोंगुल्ली पुराय कोसळची न्हय देखून आपत्कालीन यंत्रणांनी कितेंय उपाय करचो, अशी मागणी थळावे नागरीक मॉरीस कुलासो हांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
