भांगरभूंय | प्रतिनिधी
भांगरभूंय । प्रतिनिधी
काणकोणः फाटल्या आयतारा नेत्रावळी पंचायत वाठारांतल्या मैनापी घसघश्याचेर दोग जाणांक बुडून मरण आयिल्ल्यान काणकोण तालुक्यांतल्या खोतीगांव पंचायत वाठारांतलो कुसकें आनी गांवडोंगरी पंचायत वाठारांतल्या बामणबुडो घसघश्याचेर पुलीस पारो दवोरला.
ह्या दोनून घसघश्यांचेर शेनवार आनी आयतारा गोंयांतल्या वेगवेगळ्या वाठारांतल्या व्हडा संख्येन लोक येतात. तातूंत तरनाट्यो आनी तरणाट्यांचो चड आसपाव आसता. दोनूय घसघश्यांचेर हे लोक मनमानी करतात. कांय तरणाटे सोरो पियेवन धुमशेणा घालतात अश्यो कागाळी आयिल्ल्यान अनुचीत प्रकार जावचे न्हय हे खातीर पुलीस पारो दवोरला अशी म्हायती काणकोण पुलीस स्टेशनाचो निरीक्षक चंद्रकांत गांवस हाणे दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
