भांगरभूंय | प्रतिनिधी
प्रतिनिधी, मडगांव : फातोर्डा बंद फ्लॅटांतल्या चोरयेच्या प्रकरणांत दोगा चोरांक हाचे पयलीं धरिल्ले. मात हांगा परत एक फावट बंद फ्लॅट फोडून चोरयेची घडणूक घडल्या. पुलिसांनी दुबाविता आड गुन्यांव नोंद केला.
फातोर्डा वाठारांत चोरयेच्यो घडणुको वाडल्या. फातोर्डा वाठारांत अंबाजी हांगा चोरांनी एका बंद फ्लॅटांत चोरी करून घरांतल्या भांगरा सयत लॅपटॉप चोरलो. केएफसी इमारतीचे तिसरे माळयेर कागाळदाराचें फ्लॅट आसा. तो बंद आशिल्लो. तो फोडून चोरी केल्ल्याची कागाळ रिपल मखवाना हांणी फातोर्डा पुलिशेंत कागाळ नोंद केल्या. चोरयेक गेल्ल्यो भांगराच्यो वस्ती आनी हे सामानाची पुलीस म्हायती घेतात. फातोर्डा पुलीस निरीक्षक दितेंद्र नायक हांच्या मार्गदर्शना खाला पुलीस उपनिरीक्षक योगेश गांवकार हे विशीं फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
