भांगरभूंय | प्रतिनिधी
बेळगांव : विधानसभा वेंचणूक प्रचाराचे फांटभुयेर प्रधानमंत्री नरेंद्र मोदी आयज (सोमारा) बेळगांवां भेट दितले, ते रोड शोंत वांटेकार जावपा सयत तांची जाहीर सभा जातली.
प्रधानमंत्री नरेंद्र मोदी आयज दनपारां 2 वराचेर सांब्रा विमानतळाचेर देंवतले. हेलिकॉप्टरांतल्यान ते केएसआरपी मैदानाचेर वतले. राणी चनाम्मा चौकांतल्यान ते रोड शोक सुरवात करतले. प्रधानमंत्र्यांचे जाहीर सभेक 1 लाख लोकांची उपस्थिती आसतली. मुख्यमंत्री बसवराज बोम्माय, आदले मुख्यमंत्री येडीयुरप्पा, केंद्रीय मंत्री नरेंद्रसिंग तोमर, बेळगांवचे खासदार, आमदार हाजीर आसतलें. बेळगांव रेल्वे स्टेशन आनी लोंडा – घटप्रभा रेल्वे लायनीचें आभासी पद्दतीन प्रधानमंत्री उक्तावण करतले.
प्रधानमंत्री म्हादय प्रस्नाचेर उलोवप करता काय कितें हाचेर सगल्यांच्यो नदरो आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
