पेडणेचे सर्व्हीस रस्ते धोक्याचें
भांगरभूंय | प्रतिनिधी
नागरिक म्हणटात, कंत्राटदार जापसालदार
पेडणे ः पेडणें तालुक्यांतल्या राष्ट्रीय म्हामार्ग ६६ चेर काम करपी कंत्राटदार कंपनीन धारगळ महाखाजण ते पत्रादेवी मेरेन रस्त्याचें काम चालू केलां. पूण तें करतना गांवांक जोडपी सर्व्हीस रस्ते खूब धोक्याचें अवस्थेंत केल्यात. तांचेर पडिल्ल्या फोंडकुलांक लागून जायते ल्हान व्हड अपघात जातात. रस्त्या कुशीक गटारां बांदूंक नात. सुचोवणी फलक नात आनी रस्त्यार उदक व्हांवता अशी परिस्थिती निर्माण जाल्या. हे परिस्थितीक पुरायपणान कंत्राटदार जापसालदार आसा अशें नागरिक सांगतात.
हे सर्व्हीस रस्ते दुरुस्त करचे अशी मागणी वाहन चालकांनी केल्ली. सरकारान राश्ट्रीय म्हामार्गाची दुरुस्ती करचे पयलीं गांवांक जोडपी रस्ते वेवस्थीत करपाची गरज आशिल्ली. पूण हाचे कडेन दुर्लक्ष जालां. तातूंत सरकारान कंत्राटदारा कडेन आडनदर केल्ल्यान ह्या रस्त्यांची स्थिती भिरांकूळ जाल्या. थळाव्या लोकांक तशेंच रस्त्यावयल्यान यो वच करपी लोकांक ताचो त्रास सोंसचो पडटा. तशेंच ह्या प्रकाराक लागून ह्या रस्त्यारचेर अपघात जावपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
