भांगरभूंय | प्रतिनिधी
पणजी : निवृत्त तारवट्यांंक आतां म्हयन्याक 2500 रुपयांंचें निवृत्ती वेतन मेळटलें. निवृत्त तारवट्यांंक निवृत्ती वेतन निश्चीत करपी अधिसुचोवणी गृह खात्यान जारी केल्या.
ही येवजण 3 वर्सां खातीर आसतली. तीन वर्सां खातीर म्हयन्याक 2500 रुपयांचे निवृत्ती वेतन निवृत्त तारवट्यांंक मेळटलें. तीन वर्सां उपरांंत येवजणेंत सुधारणा जावन निवृत्ती वेतन वाडटलें. 60 वर्सां पुराय जाल्ल्या तारवट्यांंक हे येवजणेचो लाव मेळटलो. तारवट्यांक मरण आयलें जाल्यार ताचे विधवा बायलेक निवृत्ती वेतनाचो लाव मेळटलो. तारवट्याची बोटी वेली सेवा 120 म्हयन्यांची म्हणल्यार 10 वर्सांची आसूंक जाय. तारवट्यान बोटीचेर 10 वर्सां काम केलें जाल्यार ताका येवजणेचो लाव मेळटलो. तारवटी हो गोंंयचो नागरीक आसपाक जाय. गोंयांंत ताच्या जल्माची नोंंद आसूंक जाय. ना जाल्यार तारवट्याचे आवय, बापूय तरी गोंंयकार आसूंक जाय. वर्सुकी येणावळ 3 लाखां परस उणी आशिल्ल्या तारवट्यांकूच येवजणेचो लाव मेळटलो.
निवृत्त तारवट्यांक कला सन्मान, दयानंंद समाजीक सुरक्षा येवजणेचो लाव मेळटा जाल्यार ती रक्कम वजा करून उरिल्ली निवृत्ती वेतनाची रक्कम मेळटली. येणावळ दाखलो, रहिवाशी दाखलो, जल्म दाखलो, लग्नाचो दाखलो, आधार कार्ड, वेंचणूक वखळ पत्र हांंचे सयत येवजणे खातीर अर्ज करपाची गरज आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
