भांगरभूंय | प्रतिनिधी
मडगांव, प्रतिनिधी : नोकर्यो ना, पेन्शन ना, नागरिकत्व ना. रोजगाराच्यो संदी निर्माण करपाक सरकाराक अपेस आयलां. ताका लागून गोंयचे तरणाटे परदेशांत वचून परकी चलन घेवन गोंयचे अर्थवेवस्थेक आदार दिता. पूण सरकार तांचें नागरिकत्व काडून घेता. निवृत्त तारवट्यांच्या पेन्शना खातीर हात पांय मारप चालूच आसा. सरकारान हाचेर स्पश्टीकरण दिवचें, अशी मागणी विरोधी पक्ष फुडारी युरी आलेमांव हांणी केली.
गोवा सीफेअर्स असोसिएशन ऑफ इंडियान गोवा वेल्फेअर पेन्शन येवजणेचे आडखळून उरिल्ले अर्ज बेगीन मार्गाक लावपाची मागणी केली. उपरांत युरी हांणी भाजप सरकाराचे असंवेदनशील वृत्तीचेर टिका केली.
गोंयचे तारवटी आनी तांच्या विधवांचें २०१८ सावन शेकड्यांनी अर्ज सरकाराचे मंजुरी खातीर आडखळून उरल्यात. गृह विभाग आनी एनआरआय आयोगाच्या अधिकार्यांक ह्या अर्जांचो बेगीन नियाळ करपाच्यो सुचवण्यो दिवच्यो अशी मागणी युरी हांणी केली.
तारवट्यां खातीर आशिल्ली गोवा कल्याण पेन्शन येवजण कायमची अधिसुचित करिना. परकी चलन मेळोवन कुटुंबीयांचें पोट चलोवपा खातीर आनी राज्याचे उदरगतीक योगदान दिवपी तारवट्यांचो मान राखपाची गरज आसा. सणा- परबांच्या काळांत गोंयकारांच्या मुखामळार हांसो हाडपाची संवेदनशीलताय तांणी होगडायल्या, अशेंय युरी आलेमांव हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
