नव्या वर्सा नवी दोनचाकी घेवपाक सोदता?

भांगरभूंय | प्रतिनिधी

ह्यो आसात १ लाखां परस उण्या किमतीच्यो दोन चाकी

बदलपी काळा प्रमाण तरणाट्यां मदीं इलेक्ट्रीक टू- व्हीलराची क्रेझूय वाडटा. गिरायकांच्यो गरजो आनी पयशांचो विचार करून कंपनी इलेक्ट्रीक दोन चाकी वाहनांचे मॉडेल्सूय बाजारांत हाडटा.
तुमी तुमचे गरजे प्रमाण एका चार्जरांत प्रवास करपाक शकता अश्या ५ इलेक्ट्रीक स्कुटरीं विशीं जाणून घेवया. ज्यो १ लाख रुपयांच्या बजेटांत रोखडेंच चार्जिंगाचो दावो करतात.

१. Greta Electric Glide
हे स्कुटरींत लिथियम आयन बॅटरी आसतले, जी एकदां पुराय चार्ज केल्या उपरांत १०० किमीची ड्रायव्हींग रेंज दितली. हे इलेक्ट्रीक स्कुटरीची बॅटरी चार्ज जावपा खातीर सुमार २.५ वरां लागतलीं असो कंपनीचो दावो आसा. हातूंत अँटी थेफ्ट अलार्म, फ्रंट ग्लोव्ह बॉक्स, लायट डिझायनर कन्सोल आनी ‘एक्स्ट्रा-लार्ज लेक फॉर्म’ दिला. ह्या मॉडेलची एक्स-शोरूम किंमत ८०,००० रुपया आसा.

२. ­MO Electric Jaunty
हे इलेक्ट्रिक स्कुटरची किंमत ५९,९६६ ते ९०,०६४ रुपया आसा. ही एकदां पुराय चार्ज केले उपरांत ती ९० किलो मिटर मेरेनची रेंज दिता. ही स्कुटर ६ वरांनी फुल चार्ज जाता. तिचो टॉप स्पीड एका वरांत २५ किमी आसा.

३. Joy E Bike Wolf
जॉय ई बायकाच्या वुल्फ इलेक्ट्रिक स्कुटरीक १००% चार्ज जावपा खातीर सुमार ४ वरां लागतात. पूण फास्ट चार्जराचे मदतीन तुमी २.५ वरांनी पुरायेन चार्ज करपाक शकता. हे इलेक्ट्रीक स्टुटरीची रेंज ९० किलोमीटर आसा. मोला विशीं उलोवपाचें जाल्यार ही स्कुटर ८३,६६२ ते ९५,२९८ रुपयांक मेळटा.

४. Ampere Zeal EX
सुमार ९६,६९० रुपयांची ही इलेक्ट्रीक स्कुटर 60v, २.३ kWh प्रगत लिथियम बॅटरे सयत येता, जी पुराय चार्ज जावपा खातीर ५ वरां घेता. कंपनीचे म्हणणें आसा, ती एका चार्जराचेर १०० किलोमीटर मेरेनची रेंज दिता. तिची टॉप स्पीड ५०-५५ किमी आसा.

५. Ola S1X
ओला कंपनीचो दावो आसा, तांची इलेक्ट्रीक स्कुटर मॉडेल S1X 3 kW बॅटरी पुरायेन चार्ज ७.५ वरांनी जाता. जर तुमी ही इलेक्ट्रीक स्कुटर ओला हायपर चार्जर वयल्यान १५ मिनटां खातीर चार्ज केली जाल्यार तुमी सुमार ५० किलोमीटर मेरेन गाडी चलोवपाक शकता. Ola S1X ची रेंज सुमार १५१ किलोमीटर आसा अशें सांगतात. तिचें मोल १ लाखां परस उणें आसा.