नव्या गुंंतवणुकेंत फाटीं आशिल्ल्या राज्यां मदीं गोंयचो आस्पाव

भांगरभूंय | प्रतिनिधी

-रिझर्व्ह बँकेचो अभ्यासा उपरांंतचो हो निश्कर्श

पणजी : नव्या गुंंतवणुकेंत उत्तर प्रदेश आनी गुजरात ही राज्यांं फुडेंं आसतना गोंय मात तळाक आसा. नव्या गुंंतवणुकेंत फाटीं आशिल्ल्या राज्यां मदीं गोंयचो आस्पाव जाला. रिझर्व्ह बँकेचो अभ्यासा उपरांंतचो हो निश्कर्श आसा.

नव्या गुंंतवणुकीचें प्रमाण उत्तर प्रदेशांत सगल्यांत चड आसा. गुंंतवणुकेंत उत्तर प्रदेश पयल्या जाल्यार गुजरात दुसरे सुवातेर आसा. हाचे उपरांंत ओडिशा, महाराष्ट्र आनी कर्नाटक ह्या राज्यांचो आस्पाव आसा. गोंय सयत आसाम, केरळ, हरियाणा आनी अस्तंंत बंंगाल ही राज्यां नव्या गुंंतवणुकेंत फाटीं आसा.

फाटल्या वर्सा परस गोंंयात गुंंतवणुकीचें प्रमाण देवलें

2021-22 वर्सा देशाचे तुळेंत गुंंतवणुकीचें प्रमाण 3 टक्के आशिल्ले. 2022-23 वर्सा गुंंतवणुकीचें प्रमाण देंवून ते 0.8 टक्क्यार आयलां. हेर राज्यांंचे तुळेंत हे प्रमाण बरेच उणें आसा. आसाम (0.7), गोंय (0.8), केरळ (0.9), हरियाणा (1.0) आनी अस्तंंत बंंगाल (1.0) ह्या राज्यांंचे वळेरेंत गोंय आसा. आसामा परस गोंयांंत नव्या गुंंतवणुकीचें प्रमाण मात्शें चड आसा.

राज्यांत खण उद्येग बंंद आसा. फाटल्या दोन वर्सांनी नवे उद्येग सुरू जावंक ना. हाका लागून बेकारीचें प्रमाण वाडत आसा. सीएमआयई अहवालांत लेगीत बेकारीचें प्रमाण चड आशिल्ल्याचो उल्लेख आशिल्लो.

2021-22 चे तुळेत पुराय देशांत 2022-23 वर्सा नव्या गुंंतवणुकीचें प्रमाण वाडलांं. गोंयांत मात स्थिती उरफाटी आसा. पुराय देशांत 2022-23 वर्सा विक्रमी 35,2,624 कोटींची गुंंतवणूक जाल्या. फाटल्या वर्साचे तुळेंत ही वाड 79.50 टक्के आसा. 2014-15 उपरांंत 2022-23 वर्साची गुंंतवणूक सगळ्यांंत चड आसा. 2,66,547 कोटींच्या 547 प्रकल्पांक बँकांंनी रीण दिलां. फाटले वर्सा 14,1,976 कोटींच्या 401 प्रकल्पांंक रीण दिल्लें.

उत्तर प्रदेश, गुजरात, ओडिशा, महाराष्ट्र आनी कर्नाटक ह्या 5 राज्यांंत पुराय देशातलीं 57.2 टक्के गुंंतवणूक जाल्या. वीज, टेलीकॉम, विमानतळ, बंंदर, आयटी, बायोटेक ह्या प्रकल्पांंनी चड गुंंतवणूक जाल्या.

चड गुंंतवणूक जावपी उत्तर प्रदेश आनी गुजरात ह्या राज्यांंत भाजपाची राजवट आसा. गोंयांत लेगीत भाजपाची राजवट आसा.

पुराय देशांतली 16.2 टक्के म्हणल्यार 43,180 कोटींंची गुंंतवणूक उत्तर प्रदेशांत जाल्या. गोंयांतल्या गुंंतवणुकीचो आंकडो रिझर्व्ह बँकेंन सांंगूंक ना. गोंय हे ल्हान राज्य आशिल्ल्यान हेर राज्यांंचे तुळेंत गुंंतवणूक उणीच आसता.