भांगरभूंय | प्रतिनिधी
पणजी : गोंयच्या युवा कलाविश्वा खातीर अभिमानाची बातमी आसा. १३ वर्सांच्या सई मनेश गांवस हाणें राष्ट्रीय पांवड्यान तोखेवपा सारकें काम केलां. पुण्याक हालींच जाल्ल्या ‘नॅशनल आर्ट टॅलेंट सर्च २०२६’ ह्या अखील भारतीय सांस्कृतीक सर्तींत सईन हिंदी एकपात्री प्रकारांत पयलें इनाम मेळोवन गोंयचें नांव पर्जळीत केलां.
राष्ट्रीय पांवड्यार ह्या भव्य येसा उपरांत सई मनेश गांवस हाची आतां आंतरराष्ट्रीय पांवड्यावेले ‘१६ व्या सांस्कृतीक ऑलिंपियाड परफॉर्मींग आर्ट्स २०२६’ सर्ती खातीर निवड जाल्या. अंदमान आनी निकोबार बेटांत जावपी ह्या आंतरराष्ट्रीय सर्तींत तें आपली कला सादर करतलें.
राष्ट्रीय सर्तीत प्रतिश्टीत अखील भारतीय सांस्कृतीक संघाच्या वतीन आयोजीत केल्ली. देशभरच्या विवीध राज्यांतल्यान वाटेकार जाल्ल्या सर्तकां मदीं सईच्या दमदार अभिनयाची परीक्षक आनी प्रेक्षकांची तोखणाय केली.
सईन गोंयची नामनेची नाट्यसंस्था ‘अभिव्यक्ती पणजी’चें प्रतिनिधित्व केलें. दिग्दर्शक आनी रंगकर्मी डॉ. साईश देशपांडे हांच्या मार्गदर्शना खाला ताणें विशेश प्रशिक्षण घेतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
