भांगरभूंय | प्रतिनिधी
पणजी : गोंय घटक राज्य दिसाच्या सुवाळ्या निमतान उपराष्ट्रपती डॉ. सी. पी. राधाकृष्णन हे गोंयांक भेट दितले. कला अकादमींत जावपी घटक राज्य दिसाच्या सुवाळ्याक उपराष्ट्रपती मुखेल सोयरे म्हूण हाजीर आसतले.
उपराष्ट्रपती राधाकृष्णन हे २९ मेक गोंयांत पावतले. शेनवारा ३० मे रोजी सकाळीं १० वरांचेर कला अकादमींत घटक राज्य दिसाची मुखेल कार्यावळ जातली. राज्यपाल पुसापती अशोक गजपती राजू, मुख्यमंत्री डॉ. प्रमोद सावंत तशेंच हेर मानेस्त कार्यावळीक हाजीर आसतले. ही कार्यावळ जाले उपरान दनपारा १२.३० वरांचेर उपराष्ट्रपती एनआयओक भेट दितले. प्रयोगशाळांची पळोवणी करपा सयत ते वैज्ञानिकां कडेन चर्चा करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
