भांगरभूंय | प्रतिनिधी
पणजी ः नवीन वर्साक सुरवात जाताच राज्यांत फातोडेर अपघात जावन दोग जाणांक मरण आयले.
आयज सकाळीं मळा पणजे हांगा बुलेट मोटारसायकल पडून आयुष रुपेश हळर्णकार (21, रायबंदर) हाका मरण आयलें. काम चालू आशिल्ल्या जाग्यार एका फोंडकुलांत मोटारसायकल पडून थंयच आडकून उरिल्ल्यान ह्या तरणाट्याक मरण आयलें. आयुष हो आदलो नगरसेवक रुपेश हळर्णकार हाचो पूत.
ताळगांव जाल्ल्या दुसऱ्या अपघातांत जिप्पी भगत (22) ह्या तरणाट्याक मरण आयलें. अपघाता उपरांत जखमी अवस्थेंत जीएमसींत व्हरतना ताका मरण आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
