भांगरभूंय | प्रतिनिधी
15 ते 20 जाण जखमी
धुळे : मुंबय-आग्रा म्हामार्गाचेर धुळे (महाराष्ट्र) हांगा दनपरां गंभीर अपघात जाला. वेगान आशिल्ल्या कंटेनराचे ब्रेक फेल जाल्ल्यान तो हॉटेलांत घुसलो. ह्या अपघातांत 15 जाणांक मरण आयलें.
अपघाता विशीं चड म्हायती अशी, धुळें- मुंबय- आग्रो म्हामार्गाचेर शिरपूर म्हालांतल्या पळासनेर गांवां लागसार कंटेनराचे ब्रेक फेल जाल्ल्यान तो रस्त्या कुशीक आशिल्ल्या हॉटेलांत घुसलो. पांच जाणांक जाग्यारूच मरण आयलें.
मजगतीं, ह्या अपघातांत मरण आयिल्ल्यांचो आंकडो वाडपाची शक्यताय आसा. पुलीस घडणुके सुवातेर पावल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
