भांगरभूंय | प्रतिनिधी
फोंडें: गिडगे- धारबांदोडेंच्या बाळकृष्ण मराठे हांच्या गोठ्यांत सोमारा बिबटो घुसलो आनी एका रेडकाक मारलें. फाटल्या वर्साय बिबट्यान गोरवांचेर हल्लो केल्लो. ह्या वाठारांत बिबटे आनी गवे रेडे वाडिल्ल्यान लोकां मदीं भंय पातळ्ळा.
मराठे हांच्या गोठ्यांतल्या रेडकाक सोमार एका बिबट्यान मारून उडयलें. मंगळारा सकाळीं दूद काडपा खातीर सदानंद गावडे हो कामगार गोठ्यांत गेले उपरांत ही घडणूक उक्ताडार आयली. कुळें रान खात्याच्या अधिकार्यांनी घडणुके सुवातेर येवन पंचनामो केलो.
फाटल्या सप्तकांत पेटके – धारबांदोडेंच्या सुरंगी फार्मांत एका बिबट्याक फांस पडून मरण आयिल्लें. ह्या प्रकरणांत रान खात्यान दोगांक अटक केल्या उपरांत तांची जामिनाचेर सुटका जाल्ली. ही घडणूक ताजी आसतनाच बिबट्यान एका रेडकाक मारून उडयल्ल्याची घडणूक घडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
