भांगरभूंय | प्रतिनिधी
पार्सें- अजीत मोरजकार, सांतिस्तेव्ह- हेमंत शेट आनी धर्मापूर-शिर्ली- मिंगेलिना कार्व्हालोक जैत
भांगरभूंय । प्रतिनिधी
पणजी : सोमारा सकाळीं पार्से पंचायत प्रभाग 7, सांतईस्तेव्ह पंचायत प्रभाग 5 आनी धर्मापूर-शिर्ली पंचायत प्रभाग 2चो निकाल जाहीर जाला. ह्या तीन पंचायतींच्या तीन प्रभागांतल्यान पार्से पंचायत प्रभाग 7 त अजीत मोरजकार, सांतिस्तेव्ह पंचायतीच्या प्रभाग 5त हेमंत शेट आनी धर्मापूर- शिर्ली पंचायतीच्या प्रभाग 2 त मिंगेलिना कार्व्हालो हांकां जैत फावो जालां.
पार्श्यां मोरजकार हांकां 178 मतां, जाल्यार तांचे आड उबे राविल्ले अमीर चंद्रोजी हांकां 103, अर्जुन चंद्रोजी हांकां 113 आनी प्रदीप पोळजी हांका 110 मतां पडलीं. सांतिस्तेवांत ओबीसी खातीर राखून दवरिल्लो प्रभाग 5 तले उमेदवार हेमंत शेट हांकां 206 मतां मेळ्ळीं. जाल्यार ताचे आड देंविल्ले अमरीश शेट हांकां 109 आनी रामानंद चोडणकार हांकां 38 मतां मेळ्ळीं.
धर्मापूर-शिर्ली पंचायतींतल्या उक्त्या गटांत प्रभाग 2 तल्या जैतिवंत उमेदवार कार्व्हालो हांकां 179 मतां मेळ्ळीं. तांचे आड वेंचणुकेंत देंविल्ल्या मारिया रॉड्रिग्ज इ सिक्वेरा हिका 178 मतां मेळ्ळीं.
आयतारा पार्से पंचायतीच्या प्रभाग सातांत 85.16, सांतइस्तेव्हांतल्या प्रभाग पांचांत 71.31, जाल्यार धर्मापूर-शिर्लीच्या प्रभाग दोनांत 60.91 टक्के मतदान जाल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
