भांगरभूंय | प्रतिनिधी
भांगरभूंय । खबरां संस्था
न्यूयाॅर्क : ट्विटराचे वकील अॅलेक्स स्पिरो हांणी मेटाचे सिईओ मार्क झुकरबर्ग हांकां कायदेशीर नोटीस धाडल्या. ही नोटीस मेटाच्या मायक्रो ब्लॉगींग सायट थ्रेड्सा विशीं आसा. पत्रांत, ट्विटराच्या आदल्या कर्मचार्यांक नोकरी दिवन ट्विटराचीं वेपारी रहस्यां आनी हेर बौद्धीक तांकीचो बेकायदेशीर वापर केल्ल्याचो आरोप मेटाचेर केला.
ट्विटरान आपल्या आदल्या कर्मचार्यां कडेन गुप्त म्हायती आशिल्ली, असो दावो केला. ताचो फायदो घेवन मेटान कायद्यांचो भंग करून ट्विटराचो ‘कॉपीकॅट’ अॅप तयार केला. ट्विटराचे धनी एलान मस्क हांणी सांगलें, ‘सर्त बरी आसा, पूण कोणाक फटोवचें न्हय.’ मेटान मात ट्विटराचे आरोप न्हयकारल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
