भांगरभूंय | प्रतिनिधी
पांच जाणांक लासून मरण
झांशी: झांशीच्या सिपरी बाजारांतल्या दोन इलेक्ट्रॉनीक शोरूमांक सोमारा सांजेवेळार लागिल्लो उजो रातचो उसरां मेरेन नियंत्रणांत आयलो. ह्या आकांताळ्या उज्यांत युनायटेड इंडिया इन्शुरन्स कंपनीची असिस्टंट मॅनेजर रजनी राजपूत हांचे सयत 4 जाणांक लासून मरण आयलें. 7 जाणांक वाटायले. तांकां लागसारच्या हॉस्पिटलांत दाखल केल्यात.
उज्याचेर नियंत्रण हाडटा म्हणसर रातीचीं अडेज जालीं. मरण आयिल्ल्यांची वळख पटप कठीण जाल्लें.
हो उजो पालोवपाक उत्तर प्रदेश आनी मध्य प्रदेशांतल्या विवीध जिल्ह्यांतल्या सुमार 50 उजो पालोवपी दळांचो वापर केलो. जिल्होधिकारी रवींद्र कुमार हांणी चवकशीचे आदेश दिल्यात.
हे इमारतींत काम करपी तीग 3 तरणाटे सध्या बेपत्ता आसात. प्रकाश चंद्र (45), हृदेश तोमर (32) आनी अमीर खान (35) ह्या तिगांयचो सोद चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
