भांगरभूंय | प्रतिनिधी
-म्हालेखापालांच्या अहवालांत उल्लेख
पणजी : वेवसायीक तशेंच सामान्य लोकां कडल्यान 273 कोटींची जीएसटी रक्कम जाल्यार व्हॅटाची 203 कोटींची रक्कम वसूल करपाक सरकाराक अपेस आयलां. म्हालेखापालांच्या अहवालात हाचो उल्लेख आसा. वर्सा प्रमाण ही रकक्म वाडत आसा.
जीएसटी आनी व्हॅट मेळून 476 कोटींची थकबाकी सरकाराक येवप बाकी आसा. 2022 वर्सा मेरेन 149 जाणां कडल्यान जीएसटीची 273 कोटींची रक्कम प्रलंबीत आसा. 2021 वर्सा मेरेन जीएसटीची 55 कोटींची थकबाकी आशिल्ली. 2022 वर्सा मेरेन थकबाकी वाडून ती 273 कोटींचेर पावल्या. 2021 वर्सा मेरेन व्हॅटाची थकबाकी 249 कोटी आशिल्ली. 2022 सोंपपाक ही थकबाकी उणी जावन ती 203 कोटींचेर पावल्या. व्हॅटाची थकबाकी उणी जायत आसा. 2021 वर्सा 869 जाणांं कडल्यान व्हॅट रक्कम येवपाची आशिल्ली. 2022 वर्सा 781 जाणां कडल्यान व्हॅट रक्कम येवपाची आसा.
2022 वर्सा पयली थकबाकी आशिल्ल्या 703 जाणांनी 550 कोटींची जीएसटी रक्कम फारीक केली. तरी लेगीत थकबाकी वाडून ती 273 कोटींचेर पावली. अबकारी शुल्काची मात थकबाकी ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
