भांगरभूंय | प्रतिनिधी
भांगरभूंय प्रतिनिधी
पणजी : जमीन हडप प्रकरणांत चवकशी आयोगा मुखार 11 जुलयाक निमाणो युक्तिवाद जातलो. बुधवारा निमणो युक्तिवाद जावचो आशिल्लो. सरकारी वकील रजेर गेल्ल्यान तो जावपाक पावलो ना. निमाणो युक्तिवाद 11 जुलयाक सुरू जातलो.
विदेशांत स्थायीक जाल्ल्या गोंयकारांच्यो जमनी हडप करपाची बरीच प्रकरणां जाल्यात. चवकशे खातीर सरकारान आयोग स्थापन केल्लो. निवृत्त न्यायाधीश व्ही. के. जाधव हांची आयोगाच्या अध्यक्षपदाचेर नेमणूक जाल्या. कागाळी येतात तशो तांणी सुनावणी घेतल्यो. आतां कागाळी येवपाच्याे बंद जाल्यात. नवी म्हायती लेगीत सादर करपाक आतां कोण येना. हाका लागून चवकशी बंद करून निमाणो युक्तिवाद घेवपाचो निर्णय जाला. निमाणो युक्तिवाद 11 जुलयाक जातलो, अशें आयोगान स्पश्ट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
