भांगरभूंय | प्रतिनिधी
पणजी, प्रतिनिधी : गोंयांत २०२२ – २०२३ वर्सा ०. ०६ दशलक्ष टन म्हळ्यार ६० लाख किलो नुस्त्याचें उत्पादन जालां. फाटल्या वर्सा म्हळ्यार २०२१ – २०२२ वर्सा ०.०५ लाख टन म्हळ्यार ५० लाख किलो नुस्त्याचें उत्पादन जाल्लें.
लोकसभेंतल्या प्रस्नोत्तरा वेळार सादर जाल्ल्या तपशीलांतल्यान ही म्हायती मेळ्ळ्या. राज्याचें वर्सुकी नुस्त्याचें उतपादन फाटल्या बर्या वर्सां सावन ०.०४ दशलक्ष टन (४० लाख किल) ते ०.०६ दश लक्ष टन (६० लाख किल) मजगतीं घुस्पून आसा. २०२० – २०२१ वर्सा नुस्त्याचें उत्पादन ०.०५ लाख टन ( ५० लाख किल) आशिल्लें. ८ वर्सां आदीं म्हळ्यार २०१४ – २०१५ वर्सा राज्यांत नुस्त्याचें उत्पादन ०.०३ दशलक्ष टन म्हळ्यार ३० लाख किल आशिल्लें.
नुस्त्याचें उत्पादन वाडलां तरी ताचे प्रमाण क्रांती ना. गोंयां परस महाराष्ट्र, कर्नाटक आनी हेर खुबश्या राज्यांनी नुस्त्याचें उत्पादन चड आसा.
पुराय देशांत २०२२ – २०२३ वर्सा १३१.१३ लाख टन नुस्त्याचें उत्पादन जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
