भांगरभूंय | प्रतिनिधी
मुख्यमंत्री: अंबिका कृती समिती वतीन विवीध धर्मीक कार्यावळींचें आयोजन
दिवचल: सांखळे मतदारसंघाचे पुरायेन उदरगती खातीर दरका गांवांतलीं धर्मीक स्थळां हीं संघटणा केंद्रां आसचीं. अशें जाल्यार गांवांची नेटान उदरगत जातली. तशेंच गांवच्या संस्थांनीं मनरिजवणे वांगडा शिक्षणीक मळारूय काम करून विद्यार्थ्यांक उर्बा दिवचें अशें मुख्यमंत्री डॉ. प्रमोद सावंत हांणी सांगलें.
सांखळे मतदारसंघांत अंबिका कृती समिती अंबिकानगर भामय पाळी वतीन हालींच दर वर्सा प्रमाण विवीध धर्मीक आनी सांस्कृतीक कार्यावळी आयोजीत केल्ल्यो. हे कार्यावळीक मुख्यमंत्री डॉ. सावंत मुखेल सोयरे ह्या नात्यान उलयताले.
ह्या वेळार थळावे पंच संतोष नायक, प्रसाद सावंत, बाळकृष्ण कुंकळ्ळीकार, शैलेश नायक, संदेश चावडीकार, सुहास तारी आनी हेर हाजीर आशिल्ले.
पाळी मतदारसंघांतले जिल्हो पंचायत वांगडी गोपाळ सुर्लकार हांच्या सहकार्यान सरकारी येवजणेंतल्यान पाळी भायच्या अंबिका नगर धर्मीक संस्थेक आवाजाचें सामान भेटयलें.
‘कसल्या घरांत फसलें’ हें विनोदी नाटक सादर केलें. कार्यावळीचें सुत्रसंचालन अमरिश महाले आनी उपकारूय तांणी मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
