भांगरभूंय | प्रतिनिधी
म्हापशें शारांत मेळत थंय कोयराच्यो राशी येतात दिसून
म्हापशें: पालिका वाठारांतल्या खूबशा सुवातींनी कोयर उबारत नाशिल्ल्यान शारांत घाणीचें साम्राज्य पातळ्ळां. शालिनी हॉटेला फाटल्यान उडयिल्लो कोयर फाटले कितलेशेच दीस उबारूंक नाशिल्ल्यान कोयराची रास तयार जाल्या.
फाटल्या 21 ऑक्टोबर दिसा पालिका कर्मचाऱ्यांनी आपल्या मागण्यां खातीर संप केल्लो. त्या दिसा पालिका मंडळान दीसवड्यार काम करपी कामगारांच्या आदारान कोयर उबारिल्लो. उपरांत सोमारा 24वेर दिवाळेची परब आशिल्ली.
त्या दिसा पालिकेक सुटी आशिल्ल्यान शारांतलो कोयर उबारूंक नाशिल्लो. उपरांत दोन दीस पालिका वाठारांतलो कोयर उबारलो ना, हाका लागून शारांत मेळत थंय कोयराच्यो राशी पडिल्ल्यो दिसून येतात.
शालिनी हॉटेलाचे फाटले वटेन उडयिल्लो कोयर फाटले किलतेशच दीस उबारूंक नाशिल्ल्यान, थंय कोयरची रास पडून त्या कोयराक घाण पातळ्ळ्या.
पालिके कडल्यान कोयर संकलना विशीं वेगळींवेगळीं पावलां उबारतात. कांय प्रभागांतलें कोयरा संकलन आवटसोर्स करून लेगीत योग्य प्रकारान कोयराचें संकलन करपाक पालिका मंडळ अपेशी थारलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
