भांगरभूंय | प्रतिनिधी
भांगरभूंय – प्रतिनिधी
पणजी : कॅशलेस अर्थिक वेवहारांच्या मळार गोंय हेर राज्यांपरस एक पावल फुडें आसतले, अशें मुख्यमंत्री डॉ. प्रमोद सावंत हांणी सांगलां. सरकारी खात्यांच्या कॅशलेस अर्थिक वेवहारां खातीर अर्थिक फाट्यान आयज पेटीएमा कडेन सामंजस्य कबलात (एमओयु) केली. हाचे उपरांत उलयताना मुख्यमंत्र्यांनी हो विस्वास उलोवन दाखयलो.
पेटीएमा कडेन जाल्ले कबलातीक लागून गोंय सरकाराच्या खात्यांचे सगळे अर्थिक वेवहार कॅशलेस जातले. देशाची अर्थवेवस्था कॅशलेस जावची, अशें प्रधानमंत्री नरेंद्र मोदी हांचे सपन आसा. तांचे हे सपन पुराय करपाच्या दिखेन गोंयची वाटचाल सुरू आसा, अशें मुख्यमंत्री डॉ. प्रमोद सावंत हांणी सांगलें.
पेटीएमाकडेन सामंजस्य कबलाती शिवाय सरकारान आयसीएआय आनी क्रेडिट गॅरेंटी ट्रस्ट फंड ह्या संस्थां कडेन सामंजस्य कबलाती केल्यो. उद्येगाक रिण दिवपा खातीरची मुख्यमंत्री सरल उद्येग येवजण चालीक लायतली. आयसीएआय कडेन केल्ल्या कबलातीक लागून धोरण आखप, जिएसटीचे सरकारी अधिकाऱ्यांक प्रशिक्षण आदी कार्यावळींक गती मेळटली. गोंय सरकारान आयज तीन संस्थां कडेन कबलाती केल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
