भांगरभूंय | प्रतिनिधी
मुरगांव, प्रतिनिधी : आगशी – कुठ्ठाळी जुआरी न्हंयचे वयल्या नव्या उड्डाणपुलाचेर मारुती व्हॅनीक धपको दिवन निळ्या रंगाच्या चार चाकी वाहनान घडणुके सुवातेच्यान पळ काडलो. मारूती व्हॅनीक (जीए ०३ -सी. -११३४) त्या चारचाकी वाहनान धपको दिल्ल्यान व्हॅन उड्डाण पुलार आडवी पडली. कोणाक कांय जावंक ना. वेर्णा पुलिसांनी अपघाताचो पंचनामो करून, त्या निळ्या रंगाच्या चारचाकी वाहनांचो सोद घेवपाक सुरू केलां.
जुआरी न्हंयेवेल्या फाटल्या सप्तकांत लोकार्पण केल्ल्या दुसर्या टप्प्याच्या नव्या उड्डाण पुलार पणजेच्यान मडगांवां वचपी मारुती व्हॅनीक फाटल्यानच्या धपको दिलो. हो धपको इतलो नेटान आसलो मारुती व्हॅन उड्डाणपुलाचेर उमथी जाली. अपघाता वेळार मारुती व्हॅनींत चालका सयत आनीक दोग जाण आशिल्ले. ह्या अपघातांत कोणाक कांय जावंक ना. मारुती व्हॅनीचें मात लुकसाण जालां.
मारुती व्हॅनीक राष्ट्रीय महामार्गाच्या उड्डाणपुलार एका निळ्या रंगाच्या वाहनांन धपको मारून ती कुठ्ठाळे दिकेन गेल्ल्याची म्हायती मारुती व्हॅन चालकान दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
