भांगरभूंय | प्रतिनिधी
तंत्रगिन्यानात व्हडली उदरगत जाल्या. सगळ्या गजालींनी तंत्रगिन्यानाचो उपेग जावपाक लागला. शिक्षण ते ऑफिसांतल्या कामां मेरेन सगळें ऑनलायन करप शक्य जालां. हे तंत्रीक शक्तीची खरी शक्त कोरोना काळांत लोकांक जाणवली. तंत्रगिन्यानाचे उदरगतीक लागून संगणक- सीपीयू- कीबोर्ड, लॅपटॉप हे आमचे दिसपट्टे जिणेंतले म्हत्वाचे घटक जाल्यात. संगणकाचेर काम करपा खातीर कीबोर्डाची गरज आसता. ताका लागून टायपिंग करप शक्य जाता. दर दिसा सगळीं ताचो उपेग करतात. पूण कीबोर्ड वापरतना एफ आनी जे ह्या बटणांचेर ‘-’ हें चिन्न तुमकां केन्ना दिसलां? आनी दिसलां तर फकत एफ आनी जे बटणांचेर हें चिन्न कित्याक आसा, असो प्रस्न पडला?
हें चिन्न कित्याक आसता?
कीबोर्डाचेर एफ आनी जे बटणांचेर ‘-’ अशी ल्हान आडवी ओळ आसता. जून ई बॉटीश हाणें 2002 वर्सा हें चिन्न सोदून काडलें. उपरांत संवसारभरांतल्या दरेका कीबोर्डाचेर तें वापरलें. इंटरेस्टिंग फॅक्ट्स आनी इन्फॉर्मेशन पोर्टेलाचेर आयिल्ल्या अहवाला प्रमाण, हें आडवे ओळीचें चिन्न टायपिंग करपाक मजत म्हणून वापरपाक सुरवात केली. हे ओळीक लागून लोकांक कीबोर्ड पळयनासतना टायपिंग करतना बटणां वळखुपाक मेळटात. एके तरेन कीबोर्डांत खंयचें बटण खंयचे सुवातेर आसा हें वळखुपाक ह्या चिन्नाचो उपेग जापाक लागलो.
बेगीन टायप करपाक मेळप हें कामाच्या सुवातेर गरजेचें मानतात. कीबोर्ड पाठ नाशिल्ल्यान ऑफिसांत कितेंय टायप करताना उतरांनी चुको जावंक शकतात. ह्यो चुको टाळपा खातीर सतत कीबोर्डाचेर नदर मारची पडटा. कीबोर्डाचेर आशिल्लीं अक्षर- बटणां वळखुपाक आनी कीबोर्ड पाठ जावपाक लागून एफ आनी जे बटणांचेर ल्हान आडवी ओळ जोडली. दोनूय हातांनी पुराय कीबोर्ड वापरल्यार काम बेगीन करपाक मजत जाता. जून ई बॉटीश हाणें ही संकल्पना सुरू केल्या उपरांत फ्लोरिडात कीबोर्डांत बदल केलो. मागीर ल्हवू ल्हवू संवसारभरांतल्या दर एका कीबोर्डांत ह्या चिन्नाचो आस्पाव केलो. तुमी व्हडलो कीबोर्ड वापरतात जाल्यार, तुमकां 5 क्रमांकाच्या बटणाचेर ‘-’ अशें चिन्न दिसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
