भांगरभूंय | प्रतिनिधी
पणजी: घटस्फोटाच्या प्रकरणाचेर टिप्पणी करतना कर्नाटक उच्च न्यायालयान, पयलींच्यान नोकरी करपी बायल मागीर नोकरे बगर घरा बसूंक शकना आनी वेगळ्या जाल्ल्या घोवा कडल्यान पुरायेन भरणपोशणाचो दावो करपाक शकना. तिणें आपलें पोट चलोवपा खातीर यत्न करपाक जाय.
न्यायमूर्ती राजेंद्र बदामीकार हांच्या फुडारपणा खाला आशिल्ल्या खंडपिठान सत्र न्यायालयान पोट भरपायेची रक्कम उणी करपाच्या निर्णयाक आव्हान दिवपी बायलेची याचिका भायर मारल्या.
लग्ना पयलीं नोकरी करताली. आतां कित्याक करिना? असो प्रस्न न्यायालयान केलो.
उच्च न्यायालयाच्या सिंगल जज बेंच मुखार ही सुनावणी सुरू आशिल्ली. हातूंत सत्र न्यायालयाच्या आदेशाक आव्हान दिल्लें. जातूंत बायलेक दिल्ली पोटगी 10 हजारां वेल्यान 5 हजार आनी लुकसाण भरपाय 3 लाखां वेल्यान 2 लाख केल्या.
घटस्फोटा उपरांत बायलेन सुशेगाद बसून घोवा कडल्यान पोट भरपायेचे रक्कमेची मागणी करची न्हय. तिचें पोट भरपा खातीर तिणें स्वता यत्न करचे. देखून ती तिच्या घोवा कडल्यान फकत सपोर्टिव्ह मेंटेनन्स घेवपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
