भांगरभूंय | प्रतिनिधी
भांगरभूंय । प्रतिनिधी
पोरणे गोंयः जनता दरबार ऍक्टिव्हिस्टां खातीर (सक्रिय वावुरपी) न्हय अशें सांगपी बांदकाम मंत्री नीलेश काब्राल हाचो गोंयच्या वेगवेगळ्या मळार वावुरपी ऍक्टिव्हिस्टांनी निशेध केला. फाटल्या सोमाराक काब्राल हांणी म्हापश्यां जनता दरबार आयोजीत केल्लो. त्या वेळार कांय ऍक्टिव्हिस्टांनी तांकां कांय प्रश्न विचारले तेन्ना तांका जाप दिवपाचे सुवातेर जनता दरबार तांचे खातीर न्हय अशें काब्राल हांणी सांगलें.
ऍक्टिव्हीस्ट शंकर पोळजी ह्या जनता दरबाराक गेल्ले. हांव जरी ऍक्टिव्हीस्ट आसलो तरी पयलीं एक साबार नागरीक आसां आनी प्रशासनाक तशेंच जतना दरबार आयोजीत करपी मंत्र्याक प्रश्न विचारपाचो म्हाका अधिकार आसा अशें पोळजी हांणी मंगळारा पमजे आझाद मैदानाचेर प्रसार माध्यमांक सांगलें. ऍक्टिव्हिस्टांचो काब्राल हांका त्रास जाता जाल्यार तांणी म्हज्या प्रश्नाक जाप दिवपाची न्हय. प्रश्न विचारचे पयलीं म्हाका आडावपाक जाय आशिल्लें अशें सांगून काब्राल हांणी जनता दरबारांत दाखयल्ल्या अहंकारा खातीर ताणे नाराजी उक्तायली.
काब्राल हांका लोकांच्या प्रश्नांक जाप दिवपाची नाशिल्ली जाल्यार तांणी जनता दरबार कित्याक आयोजीत केल्लो असो प्रश्न संजय बर्डे ह्या ऍक्टिव्हिस्टान ताका विचारला. जनता दरबारांत लोकाचें प्रश्न शांततायेन आयकूस समस्या सुटाव्यो करपाचें काम मंत्र्यांनी करपाक जाय. थंय आपूण राजा असले भावनेन वावुरपाक जायना. जनता दरबारांत काब्राल प्रश्न विचारता ताका सकल बस म्हणून सांगताले अशें ताणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
