आसनय खाजन मानस फुटून उदक शेतांनी
भांगरभूंय | प्रतिनिधी
आमदार अॅड. कार्लुस फेरेरा हांणी केली लुकसाणेची पळोवणी
म्हापशें : बार्देस, पेडण्यां पावसान बरोच नेट धरला. आसनय खाजन हांगची मानस फुटिल्ल्या शेतकारांक बरेंच लुकसाण सोंसचें पडलां. हे विशीं म्हायती मेळटांच हळदोणेचे आमदार अॅड. कार्लुस फेरेरा हांणी अधिकार्यांक भेट दिवन लुकसाणेची पळोवणी केली.
पावसांत मानशेचीं दारां व्हांवून वचप हें सदचेंच जावन पडलां. अशें जाल्ल्यान शेतकारांक बरेंच लुकसाण जाता.
आमदार फेरेरा हांणी उदकास्रोत खात्याचे अभियंता, पंच वांगडी, शेतकार्यां वांगडा आसनय खाजन मानशेक भेट दिवन ती बेगीन सारकी करपाची सुचवणी केली. शेतकरी संघटणेच्या अध्यक्षाक मरण आयल्या उपरांत प्रभारी समितीची नियुक्ती जावंक नाशिल्ल्यान ही परिस्थिती निर्माण जाल्ल्याचें ह्या वेळार शेतकारांनी सांगलें. ताका लागून नवी समिती बेगीन स्थापन करपाची मागणी तांणी आमदारां कडेन केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
