भांगरभूंय | प्रतिनिधी
आंध्र प्रदेश, कर्नाटक आनी म्हाराष्ट्रांतल्यान टमाटांचे खरेदीक सुरवात
मुंबय : आयज देशांतल्या कांय सुवातींनी केंद्र सरकारान टमाट उण्या दरांत विकपाची तयारी केल्या. दिल्ली, लखनौ, पटना ह्या व्हड शारांनी सवाय दरान टमाट विकतले. दोन दिसां आदीं अन्न मंत्रालयाच्या गिरायक वेव्हार खात्यान टमाटांच्या दरांचेर नियंत्रण दवरपाक आंध्र प्रदेश, कर्नाटक आनी म्हाराष्ट्रांतल्यान टमाट विकतें घेवपाचो निर्णय घेतिल्लो. ते प्रमाण तांणी टमाट खरेदी केली.
हांगा मेळटलें सवाय दरांत टमाट
फाटल्या एका म्हयन्या सावन व्हडल्या शारांनी टमाटाचें दर हिसपा भायर वाडल्यात. राष्ट्रीय शेतकी सहकारी विपणन महासंघ आयच्यान टमाट 90 रुपया कील दरान विकतले. ताची तयारी सुरू जाल्या. आंध्र प्रदेश, कर्नाटक आनी म्हाराष्ट्रांतल्यान टमाटांची खरेदी सुरू जाल्या.
आयच्यान टमाटांची विक्री सुरू जाल्या. नाफेड आनी एनसीसीच्या आवटलेटां वरवीं टमाट विकतले. तशेंच मोबायल व्हॅन आनी ट्रकांतल्यान विक्री करपाची शक्यताय आसा.
पावसाक लागून टमाटाचें व्हड लुकसाण जालें. हाका लागून टमाटाचें दर 200 रुपया कील मेरेन पावल्यात. फाटल्या एका म्हयन्या सावन टमाटाचें दर वाडलां त्या जाग्यार चड टमाट विकतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
