अायसीएआरच्या ‘जायफळ टॅफी’ अाविश्काराक मेळ्ळे पेटंट
भांगरभूंय | प्रतिनिधी
पणजी: भारतीय कृशी संशोधन परिशद – केंद्रीय दर्यादेग कृशी संशोधन केंद्र (आयसीएआर) हातूंतल्या डॉ. ए. आर. देसाय हांच्या ‘जायफळ टॅफी’ आविश्काराक पेटंट मेळ्ळां. ही टॅफी जायफळाच्या बीजकोशा पसून तयार केल्या. पुश्टीक मूल्य आसपी ह्या टॅफीक लागून शेतकारांक परंपरीक जायफळ मसाल्याच्या उत्पादनांतल्यान मेळपी उत्पन्ना खेरीत दरेक झाडा फाटल्यान 5,600 रुपया अतिरिक्त वर्सुकीं उत्पन्न मेळपाक शकता, अशें आयसीएआरच्या प्रसिद्धी पत्रकांत नमूद केलां.
जायफळ देशा सयत गोंयांतलो एक म्हत्वाचें मसाला पीक आसा. ताची मुखेलपणान जायफळ बी आनी गर हे खातीर लागवड करतात. जायफळ काडले उपरांत भोवतेक खेपे जायफळाचें बीज कोष उरतात. ताचो वापर जायनाशिल्ल्यो. ह्या उरिल्ल्या उप-उत्पादनाची दखल घेवन जायफळ टॅफीचो सोद लायलो. ह्या संशोधनांत डॉ. श्रीपाद भट, डॉ. दिनेश कुमार, विश्वजीत प्रजापती तशेंच आयसीएआरचे संचालक डॉ. प्रवीण कुमार हांणी सहकार्य केले. जायफळ टॅफी तयार करपाची प्रक्रिया आनी ते पसून तयार केल्ले उत्पादन’ ह्या सोदा खातीर 2016 त पेटंट अर्ज दाखल केल्लो.
ही टॅफी कृत्रीम संरक्षणा खेरीत सामान्य तापमानांत 12 म्हयन्यां मेरेन तिगून उरता. टॅफी तयार करपाची प्रक्रिया सोंपी आसा. ल्हान उपकरणांत ही तयार करपाक शकतात. ताका लागून हे एक तिगून उरपी आनी सवाय अशें जिणे उपेगी पुश्टीक मुल्य आसा. ह्या आविश्काराच्या तंत्रज्ञान हस्तांतरांतल्यान राज्यांतल्या कांय खाजगी स्पायस फार्म तशेंच गोंय राज्य जैवविवीधता मंडळना हाचे पयलींच येसस्वी वेपारी उत्पादन सुरू केला. तशेंच हे उत्पादन कृशी, अन्न उद्देग, स्वयं-सहायता गट अशा क्षेत्रांत वापरले जावपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
