भांगरभूंय | प्रतिनिधी
सांखळी ः पावसाळो सुरू जातकच बाजारांत आनी खास करून थारायिल्ल्या सुवांतीर अळमीं विकपाक घेवन बशिल्ले दिसतात. मंगळारा सकाळीं कारापूर तिस्कार एक बायल अळमीं विकपाक बशिल्ली. अळमीं आयल्यां हें कळटकच येवपी – वपची लोकांनी थंय गर्दी केली. अळम्यांचे चार वाटे आसले. एक वांटो 500 रुपया. कळे चड नासले. देखून हो दर पळोवन कांय जाण परत गेले, पुण थोड्यांनी ते चारूय वांटो ती सांगता त्या मोलान विकत घेतले.
ह्या हंगामांतलीं हीं पयली अळमीं आशिल्ल्यान तांचे दर चडिल्ले आसतात. सामान्य मनशाक मात ते परवडचेनात. फुडल्या दिसांनी अळमींचें पीक वाडटलें आनी बाजारांत सगळे कडेन अळमीं दिसतलीं, तेन्ना हे दर देंवतले, असो अदमास कांय जाणांनी उक्तायला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
