भांगरभूंय | प्रतिनिधी
वाहनां सयत 7 लाख 65 हजारांचो म्हालवज जप्त
फोंडें: गोंया सावन कर्नाटकांत वचपी मिनी टेंपोंतल्यान शुक्रारा सकाळीं अनमोड चेक नाक्यार अबकारी खात्यान परतून व्हड कारवाय करून सोरो जप्त केलो. वाहन आनी सोऱ्या सयत अबकारी खात्याच्या अधिकाऱ्यांनी सुमार 7 लाख 65 हजार रुपयांचो म्हालवज जप्त केला. ह्या प्रकरणांत रवी मंजिलिती आनी वेंकटरमण गौडा हांकां अटक केल्या.
मेळिल्ले म्हायती प्रमाण शुक्रारा सकाळीं मोलें सावन एपी 04 टीझेड 0727 क्रमांकाची मिनी टेंपो आंध्र प्रदेशांत वताली. अबकारी खात्याच्या अधिकाऱ्यांनी मिनी टेंपोची तपासणी केली तेन्ना फाटले वटेन लिपोवन दवरिल्ल्या सोऱ्याचो सांठो दिसून आयलो. हातूंत 264 लिटर बियर आनी 161 लिटर हेर सोऱ्याचो आस्पाव आशिल्लो.
अधिकाऱ्यांनी ह्या प्रकरणांत चालका सयत एकल्याक अटक केल्या. फाटल्या कांय म्हयन्यां सावन अनमोड अबकारी खात्या वतीन खर मोहीम राबयतात. ताका लागून सेगीत सोऱ्याचो सांठो जप्त करप चालूच आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
