भांगरभूंय | प्रतिनिधी
धर्मीक तेढ निर्माण जावची न्हय म्हूण पुलीस बंदोबस्त
म्हापशें : एकतानगरांत टांकये कडेन कांय लोकांनी छत्रपती शिवाजी महाराज हांचो अर्द पुतळो उबारला. रातयांत उबारिल्ल्या ह्या पुतळ्याक लागून धर्मीक तेढ निर्माण जायत, ह्या भंयान पुलीस बंदोबस्त दवरला. काल अक्षय तृतिया आशिल्ली. रमजान ईदूय काल जालें. एकतानगर वाठारांत मुस्लीम व्हड प्रमाणांत रावतात.
फांतोडेर हो पुतळो उबारला हें कळटकच पुलीस घडणूक थळाचेर गेले. अधिक्षक शोबीत सक्सेना, उपअधिक्षक उदय परब, निरिक्षक परेश नायक हेय पावले. थंय आतां खर पुलीस बंदोबस्त दवरला. असो गुपचूप, रातयांत ह्या थळाक धर्मीक रंग दिवपाचे कांय जाणांचे कृती विशीं वरिश्ठ पुलिसांनी नाराजी उक्तायल्या.
हो पुतळो उबारपा फाटलो हेत जाणून घेवपाक पुलिसांनी कांय तरणाट्यांची चवकशी केली. मजगतीं, छत्रपती शिवाजी महाराज हांचो एकतानगर प्रवेशदाराचेर पुतळो उबारिल्ले खातीर म्हापशेंच्या शिवमोगींनी खोस उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
