भांगरभूंय | प्रतिनिधी
भांगरभूंय । प्रतिनिधी
मुरगांवः मुरगांव पालिका मंडळाचो नवो नगराध्यक्ष लिओ रॉड्रिग्ज हांणी बुधवारा पालिका मुख्याधिकारी जयंत तारी, नगरसेविका शमी साळकार आनी मार्केट समितीच्या पदाधिकाऱ्यां वांगडा नुस्तें विकप्या खातीर तयार केल्ले शेडीची तशेंच भाजीपालो मार्केटाची पळोवणी करून विक्रत्यांस्यो समस्यो आयकल्यो. रस्त्या कुशीक फळां विकतल्यांक देव दामोदर ट्रस्टाचे सुवातेंत आसपावून घेवपाचें तांणी थारायलां.
नुस्तें विकपा खातीर तात्पुरती शेड उबारून नुस्त्या मार्केटांतल्या विक्रेत्यांक थंय व्हेलां. हे शेडीत अजून कांय त्रुटी आसात त्यो विक्रेत्यांनी नगराध्यक्षाचे नदरेक हाडून दिल्यो.
एस एल गोम्स रस्त्या कुशीकच्या तात्पुरत्या मार्केटा कडेन फळां विकतात. लोक आपलीं वाहनां रस्त्या कुशीक पार्क दवोरून फळां घेवपाक वतात. ताका लागून येरादारीक आडखळ जाता. ताका लागून सगल्या फळ विकतल्यांक दामोदर ट्रस्टाचे सुवातेंत हाडपाचें थारायलां. हे सुवातेंत क्राँक्रिट घालून थंय सगल्याक हाडपाचें नगराध्यक्षान थारायलां. फळ विक्रेत्यांची बसका घेवन ताचें मार्केट शेडींत स्थलांतरण करतले अशें नगराध्यक्ष लिओ रॉड्रिग्ज हांणी सांगलें. ह्या वेळार नगरसेवक गिरीश बोरकार, उपनगराध्यक्ष अमेय चोपडेकार, संजय मयेकार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
