भांगरभूंय | प्रतिनिधी
सरकारी शाळा बंंद पडपाक ‘बालरथ’ कारणः मुख्यमंत्री
पणजी : बालरथ कर्मचार्यांंक पुराय 12 म्हयन्यांचो पगार मेळटलो आनी वर्साक तांंतूंत 3 टक्के
वाड जातली. आयज बुधवारा पगारा विशीं परत बालरथ कर्मचारी संंघटणेच्या फुडार्यांं कडेन चर्चा जातली, अशें मुख्यमंंत्री डॉ. प्रमोद सावंत हांणी सभाघरांत स्पश्ट केले.
बालरथ कर्मचारी संंघटणेच्या फुडार्यां कडेन आपणें चर्चा केल्या. पगार 12 हजार करपा सयत देखभाली खातीर 50 हजारांंचे अनुदान दितलें. पगार ऑक्टोबरांत वाडोवपाचें आस्वासन दिलां, तरी आयज परतून चर्चा करपाची तयारी आसा. बालरथ चालक, वाहकांक पुराय 12 म्हयन्यांचो पगार मेळटलो. कर्मचार्यांंच्या खात्याचेर पयशे जमा जातले. विद्यालयांच्या वेवस्थापनाक चालक बदलपाक मेळचे नात, अशें मुख्यमंत्री डॉ. प्रमोद सावंत हांणी लक्षवेधी सुचोवणेक जाप दितना सांंगलेें.
विधानसभेंत हमी दिले उपरांत संंप फाटीं घेवपाचें आस्वासन संंप करपी कर्मचार्यांंच्या फुडार्यांंनी दिल्ल्याचे मुख्यमंत्री डॉ. प्रमोद सावंत हांंणी सांगलें.
दिवचलचे आमदार डॉ. चंंद्रकांंत शेट्ये आनी हेरांंच्या लक्षवेधी सुचोवण्यांचेर बरोच वेळ चर्चा जाली. आमदार व्हेंझी व्हिएगस, विजय सरदेसाय, विरेश बोरकार, कार्लोस फेरेरा, रूडोल्फ फर्नांडीस, दिगंंबर कामत, अालेक्स रेजिनाल्ड, मायकल लोबो हांंची लक्षवेधी सुचोवण्यांचेर उलोवपां जाली.
20 हजार रुपयांंच्या पगाराची मागणी
बालरथ बशींच्या चालकांक म्हयन्याक 20 हजार रुपया पगार मेळपाक जाय, अशी मागणी विजय
सरदेसाय, मायकल लोबो हांणी केली. कुशळ कामगाराचो दिसाचो उण्यांत उणो पगार 803 रुपया आसा. इतलो पगार चालकांक दिवपाकूच जाय, अशी मागणी विजय सरदेसाय हांणी केली.
येवजण समाज कल्याण खात्या कडेन दिवची : कामत
बालरथ येवजण 2009 वर्सा आपूण मुख्यमंत्री आसतना सुरू जाल्ली. ही येवजण समाज कल्याण खातें चलयताले. विद्यालयांक भेट दिवपा सयत बशींची पळोवणी करपाची तजवीज आसली. आतां लेगीत येवजणेची कार्यवाही समाज कल्याण खात्या कडेन दिवपाची गरज आसा, अशें आमदार दिगंबर कामत हांंणी सांंगलें. ह्या येवजणेक लागून काणकोणांतल्यो चलयो विद्यालयांंनी वचपाक लागल्यो, अशेंय तांंणी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
