भांगरभूंय | प्रतिनिधी
पणजी : खासदार ह्या नात्यान गोंयांक चडांत चड केंद्रीय निधी मेळोवन दिवपाचो यत्न आपूण करतलो, अशें राज्यसभा वांंगडी सदानंद शेट तानावडे हांणी सांगलें. संसदेचें अधिवेशन सोंपले उपरांंत पणजेत ते पत्रकार परिशदेत उलयताले.
पत्रकार परिशदेक आदले आमदार सिद्धार्थ कुंंकळ्येकार हाजीर आसले. सदानंद शेट तानावडे हांंची गोंय सावन राज्यसभेचेर बिनविरोध निवड जाली. पयलेच खेपे संसदेच्या अधिवेशनांत तांणी हाजेरी लायली.
संंसदेचें पावसाळी अधिवेशन बरोच तेंप चल्लें. विरोधी काँग्रेस तशेंच हेर पक्षांनी मणिपूर प्रस्नाचेर राजकारण करून अधिवेशनाचो वेळ वगडायलो. हाका लागून चड तेंप कामकाज जालें ना. काँग्रेस तशेंच हेर विरोधी पक्षांंक मणिपूर प्रस्नाचेर चर्चा नाका आशिल्ली. तांंकां राजकारण करपाचें आशिल्लें, असो आरोप सदानंद शेट तानावडे हांणी केलो. विरोधकांनी दाखल केल्ल्या अविस्वास थारावाचेर 56 खासदार उलयले. अविस्वास थारावाच्या निमतान प्रधानमंंत्री नरेंंद्र मोदी हांंकां मणिपूर प्रस्नाचेर उलोवपाची संद मेळ्ळी. काँग्रेसी कडेन मुद्दाे नाशिल्ल्यान मणिपूरचो विशय तांंणी लावन धरलो, असो आरोप तानावडे हांणी केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
