भांगरभूंय | प्रतिनिधी
आतां मेरेन 3 खेपे जाली मागणी
पणजी : नव्यो येवजण्यो तशेंच नवे प्रकल्प चालीक लावपा खातीर राज्याक स्वतंत्र आयएएस कॅडराची गरज आसा. आयएएस सयत आयपीएस कॅडर गोंया खातीर स्वतंत्र आसपाक जाय, अशी मागणी आमदार अलेक्स सिक्वेरा हांणी केली. हाचे पयलीं तीन खेपे स्वतंत्र आयएएस कॅडराची मागणी जाल्या. ही मागणी पुराय जावंक ना, अशें सिक्वेरा हांणी सांगलेें.
सर्वसादारण प्रशासन, दक्षता, गृह खात्याच्या मागण्यांचेर सोमारा चर्चा जाली. चर्चेत वांटो घेतना आमदार अलेक्स सिक्वेरा हांणी ही मागणी केली.
गोंय सध्या अॅग्मूट कॅडरांत आसा. ह्या कॅडरांतल्या आयएएस अधिकार्यांचे गोंयच्या हिताक प्राधान्य नासता. सिक्कीम, नागालँड ह्या राज्यां खातीर स्वतंत्र कॅडर आसा. हाका लागून गोेंया खातीर स्वतंत्र कॅडर आसपाक कसली हरकत आसा? असो प्रस्न तांणी केलो.
प्रतापसिंग राणे मुख्यमंत्री आसतना तांणी स्वतंत्र कॅडराची मागणी केल्ली. ही मागणी मान्य जावंक ना. हाचे उपरांत दिगंबर कामत हांणी मुख्यमंत्री आसतना स्वतंत्र कॅडराची मागणी तांणी केल्ली. ही मागणी मान्य जावंक ना. हाचे उपरांत सर्गेस्त मनोहर पर्रीकार हे मुख्यमंत्री आशिल्ले, तेन्ना तांणी स्वतंत्र आयएएस कॅडराची मागणी केल्ली. ह्या मागण्यांचे फुडें कितें जाले ते कळना. अॅग्मूट कॅडराच्या अधिकार्यांचेर मुख्यमंत्र्यांचें नियंत्रण आसना. ते खातीर स्वतंत्र कॅडर आसपाक जाय, अशी मागणी अालेक्स सिक्वेरा हांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
